Rinovoi me Rubin Kazan, por Dakun e duan në Firenze

Mirlind Daku mund të përfundojë te Fiorentina. Edhe pse sulmuesi kuqezi rinovoi kontratën me Rubin Kazan, nuk përjashtohet mundësia që ai të kalojë në Firenze.

Tratativat janë konfirmuar nga trajneri i Rubinit, Rashid Rakhimov.

“Nga ajo që kuptoj, Fiorentina po kërkon ta shesë Kean. Dhe po, ata janë të interesuar për Dakun”, theksoi trajneri i Rubin Kazan.