E rëndë në Meksikë: Influencerja dhe familja e saj gjenden të vrarë brenda në kamion
Influencerja e njohur Esmeralda Ferrer Garibay, 32 vjeç, është gjetur e vrarë së bashku me bashkëshortin e saj 36-vjeçar dhe dy fëmijët e tyre, 13 dhe 7 vjeç, në qytetin e Guadalajara, Meksikë. Trupat e tyre u zbuluan më 22 gusht të braktisur dhe të mbështjellë në plastikë brenda një kamioni, në lagjen San Andrés, njoftoi prokurori Alfonso Gutierrez Santillan në një konferencë për media.
Tre burra, të punësuar në një garazh ku ishte lënë kamioni, u arrestuan fillimisht, por më pas u liruan për shkak të mungesës së provave që t’i lidhnin me krimin. Autoritetet lokale vazhdojnë hetimet për të zbardhur rrethanat e vdekjes së familjes. Lajmi ka tronditur komunitetin e ndjekësve dhe mediat sociale, duke u shprehur ngushëllime për humbjen tragjike.
Garibay ishte krijuese përmbajtjeje në TikTok me mbi 43,000 ndjekës. Ajo nisi aktivitetin e saj në prill 2020 me klip komik të lip-sync dhe më pas iu përkushtua përmbajtjes për stil jete dhe udhëtime. Në postimin e fundit më 7 gusht, ajo tregoi veten duke ngarë makinën në pronën e saj, ndërsa një tjetër video e muajit gusht shfaqte qenin e saj të bardhë duke luajtur në oborr. Ndjekësit reaguan menjëherë me komente dhe homazhe në rrjetet sociale pas lajmit për vdekjen e influenceres.
Hetimet vazhdojnë dhe autoritetet lokale po përpiqen të zbardhin motivet dhe përgjegjësit për këtë ngjarje tragjike.
