Ka bërë ndërhyrje plastike në trupin e tij? Flet për herë të parë Drake
Reperi i njohur Drake ka folur hapur për spekulimet që qarkulluan në internet pas një fotoje virale ku trupit të tij i dukej shumë i tonifikuar. Në një intervistë për podkastin Not This Again me Bobbi Althoff të martën, reperi 38-vjeçar u pyet nëse i ishte bërë gravurë abdominale, një procedurë kozmetike që synon të formësojë barkun.
Althoff i përmendi një foto nga qershori, ku trupi i tij dukej muskuloz, dhe tha se shumë njerëz menduan se ai kishte bërë ndërhyrje kirurgjikale. Drake e mohoi këtë dhe iu përgjigj me shaka: “Njerëzit thonë gjithashtu se kam bërë BBL [ngritje të të pasmeve braziliane]. Më quajnë ‘BBL Drizzy’.”
Ai pranoi vetëm se kishte bërë disa modifikime të lehta në foton e postuar. “Erdha nga palestra, isha i djersitur në atë foto,” tregoi reperi. “Ndoshta rrita ngopjen ose diçka të tillë. Mendoj se e kam tepruar, nuk duken ashtu.”
Spekulimet për ndërhyrje plastike erdhën pas diss-it të Metro Boomin në vitin 2024, ku kënga “BBL Drizzy” përmendte se Drake kishte bërë operacione. Drake nuk është i vetmi reper që ka përballur thashetheme të tilla; Big Sean gjithashtu hodhi poshtë pretendimet për implante abdominale gjatë verës.
Në këtë mënyrë, Drake vendos ta qartësojë situatën, duke treguar se ndryshimet në imazhet e tij janë thjesht për efekt vizual dhe jo rezultat i operacioneve plastike.
