Rikthimi te Betis, Antony: Zgjedhja e duhur, te United gjithçka e vështirë

Antony u rikthye te Betis, por kësaj here, në mënyrë përfundimtare. Në konferencën për shtyp, pas largimit nga United, sulmuesi i njohur, u shpreh:

“Betis ka qenë gjithmonë zgjedhja ime e parë dhe kjo është arsyeja pse prita deri në ditën e fundit për t’u kthyer. Tani më në fund jam këtu dhe jam i lumtur që jam në një qytet dhe një klub që e dua. Paratë nuk janë gjithçka, dashuria është shumë më e rëndësishme”.

“Isha i paduruar ta përjetoja këtë përvojë. Ishte një muaj shumë i vështirë. Kalova mbi 40 ditë në një hotel dhe ishin ditë shumë të vështira, por agjenti im dhe të gjithë zyrtarët e klubit e dinin sa shumë doja të kthehesha te Betis. Jam shumë i lumtur që jam këtu. Ka shumë gjëra për të bërë, shumë gjëra për të luftuar. Ajo që ndodhi në Manchester, vetëm unë e di sa e vështirë ishte”.