Travis Kelce dhe Taylor Swift mendojnë të thonë “po” në këtë vend

Taylor Swift dhe Travis Kelce thuhet se do të martohen në Rhode Island. Një burim i tha PageSix se çifti planifikon të martohet vitin e ardhshëm. Ndërsa disa media kanë raportuar se ata nuk janë me nxitim për t’u martuar, një mik i tyre tha: “Ata do të martohen verën e ardhshme në Rhode Island. Ajo është me nxitim për të pasur fëmijë”.

Një martesë kaq e profilit të lartë mund të tërheqë kritika nga vendasit, por Guvernatori i Rhode Island, Dan McKee, po e mbështet çiftin në zgjedhjen e shtetit të tyre për ceremoninë. “Rhode Island ka disa nga vendet më të mira të dasmave në botë, thjesht po e them,” tha McKee në një postim të rishfaqur në mediat sociale javën e kaluar.

Shtëpia e Taylor Swift në lagjen Watch Hill të Westerly është aktualisht duke u rinovuar, sipas Providence Journal. Këngëtarja e bleu shtëpinë në vitin 2013 për 17.5 milionë dollarë. Ajo ka tetë dhoma gjumi, 10 banjo dhe shtrihet në 13 hektarë tokë me kopshte dhe një pishinë. Shtëpia u bë e famshme nga festat luksoze të Taylor Swift për Ditën e Pavarësisë.

Nuk është e qartë nëse dasma do të zhvillohet në shtëpinë e Swift apo diku tjetër në zonë. Siç zbuloi më parë Page Six, çifti po planifikon një ceremoni “private” me familjen dhe miqtë e ngushtë. “Do të jetë më e thjeshtë nga sa mendojnë njerëzit”, tha burimi.

Fituesja e çmimit Grammy dhe kampioni i Super Bowl njoftuan fejesën e tyre më 26 gusht me një seri fotosh në oborrin e shtëpisë së Kelsey.