Flirtimi s’ndalet: Emily Ratajkowski dhe Austin Butler shfaqen bashkë në darkë romantike
Austin Butler dhe Emily Ratajkowski përfliten të jenë çifti më i ri i Hollivudit, pasi dy yjet u panë për darkë në New York City të premten në mbrëmje. Sipas PageSix, aktori dhe modelja u panë duke shijuar vaktin e tyre në Waverly Inn në West Village.
Klientët atje e përshkruan atmosferën si “shumë të lezetshme dhe plot të qeshura”, duke vënë në dukje se dyshja kaloi rreth dy orë në një kabinë private. Ndërsa nuk kishte asnjë shenjë të qartë të marrëdhënies së tyre, Emily Ratajkowski u përkul disa herë drejt Austin Butler, ndërsa ai i vuri krahun rreth shpatullave.
Të dy u panë së bashku disa javë më parë në një festë pas premierës së filmit Caught Stealing në New York, me foto që i tregonin duke kaluar shumë kohë së bashku.
Austin Butler and Emily Ratajkowski are leaning into rumors they might be an item — because they were snapped hanging out and having drinks in New York City Friday night.
Read more: https://t.co/Is1eDgZO7L pic.twitter.com/u34ioecnw9
— TMZ (@TMZ) September 6, 2025
Jeta personale e Austin Butler ka qenë në qendër të vëmendjes kohët e fundit, me thashetheme që e lidhin atë me bashkë-yllin e tij, Zoe Kravitz, megjithëse burimet më vonë sqaruan se të dy janë vetëm miq. Aktori më parë ishte në një lidhje me modelen Kaia Gerber, deri në ndarjen e tyre janarin e kaluar.
Emily Ratajkowski, nga ana e saj, u nda nga Sebastian Bear-McClard në vitin 2022, me të cilin ka një djalë, Sylvester. Kohët e fundit ajo ishte e lidhur me muzikantin Shaboozey.
