Reagon Fero pas ‘thumbave’ të Arbenitës

Modelja e njohur Arbenita Ismajli ka bërë së fundmi një postim që ka ngjallur vëmendje në rrjete sociale, i cili duket se i drejtohet ish-bashkëshortit të saj, reperit Fero. Ajo ndau me ndjekësit një moment të veçantë me vajzën e tyre Ninën, të cilën e kishte çuar në një vend ku njerëzit shprehin ndjenjat e tyre përmes letrave.

Sipas Arbenitës, Nina ende nuk di të lexojë dhe mesazhi që ajo vetë kishte përzgjedhur për të ishte paqësor. Megjithatë, modelja la të kuptohej se midis letrave të tjera kishte edhe mesazhe që shprehnin zemërim ndaj babait të vajzës së saj. Ky detaj është parë nga shumë ndjekës si një “thumb” i hapur ndaj Fero-s.

Pas këtij postimi, reagimi i reperit nuk vonoi. Ai zgjodhi të mos përmendte emra, por publikoi në Instagram një thënie në anglisht: “I regret nothing but I am definitely aware of things I wouldn’t do again” (“Nuk pendohem për asgjë, por jam padyshim i vetëdijshëm për gjërat që nuk do t’i bëja sërish”).

Ky reagim u interpretua nga fansat si një përgjigje indirekte ndaj postimeve të Arbenitës. Marrëdhënia e ish-çiftit ka qenë shpesh në qendër të mediave rozë, dhe ky shkëmbim i fundit në rrjetet sociale duket se vazhdon të ushqejë interesin publik për dinamikën e tyre pas ndarjes.