Pjesëmarrja e shtatë në Kupën e Botës, shpërblim për lojtarët e Arabisë Saudite pas kualifikimit

Arabia Saudite u kualifikua për Kupën e Botës 2026 pasi barazoi 0-0 me Irakun të marten.

Arabët, kështu shkojnë për herë të shtatë në këtë kompeticion, pas atyre në vitet 1994, 1998, 2002, 2006, 2018 dhe 2022.

Nuk mund të mungonte shpërblimi për lojtarët, pas këtij kualfiikimi të madh.  Në këtë aspekt, secili futbollist mori një shpërblim që shkon diku tek 1.15 milion euro, ose e thënë ndryshe, 5 milionë rialë sauditë.

Ministri i Sportit dhe Rinisë i Arabisë Saudite, Abdulaziz bin Turki al-Faisal al-Saud dhe Presidenti i Federatës së Futbollit të Arabisë Saudite (SAFF), Yasser al-Misehal, falenderuan tifozët për mbështetjen.

Ekipi i drejtuar nga francezi Herve Renard shpreson që në Botëror të mos shkojë thjeshtë për shëtitje.

© BalkanWeb