Mesazhet e Belinda Ballukut me Ervis Berberin, Shehaj: Zv.kryeministrja ka dalë që i ka vjedhur 10 mln euro qytetarëve shqiptarë
Kryetari i Partisë Mundësia dhe deputeti, Agron Shehaj ka sjellë në Kuvend rastin e Belinda Ballukut, dosja e të cilës u bë publike një ditë më parë, ku ministrja shkëmbente mesazhe me kreun e ARRSH, Evis Berberi për tunelin e Llogarasë.
Shehaj tha se Belinda Balluku ka vjedhur 10 milionë euro nga qytetarët shqiptarë dhe se duhet të japë sqarime për këto.
Por kryetari i Kuvendit, i mbylli mikrofonin, duke i thënë se nuk ka lidhje me kalendarin.
Agron Shehaj: Ndërkohë që ministrja, zv kryeministrja ka dalë që i ka vjedhur 10 mln euro qytetarëve shqiptarë dhe thotë bashkë me drejtorin e saj…
(kryetari i Kuvendit i mbyll mikrofonin)
Niko Peleshi: Çlidhje ka me kalendearin, fjala i kalon Alizotit.
