VIDEO/ Natë historike për Shqipërinë, kuqezinjtë zyrtarisht në Play Off të Botërorit, Serbia në shtëpi
Shqipëria shkruan historinë, teksa për herë të parë shkon në Play off të një Botërorit.
Kombëtarja vuajti por fitoi 0-1 ndaj Andorrës, ndërsa Serbia u imponua 2-0 në Angli.
Në Andorrë, ritmi ishte i kënaqshëm në fillim, me kuqezinjtë që treguan dëshirë të madhe për të shkuar te goli.
Tentativa e parë serioze ishte e Kristjan Asllanit nga goditja e dënimit, por gjithsesi topi përfundoi jashtë.
Edhe vendasit ishin të rrezikshëm, teksa me anë të kundërsulmeve, shkaktuan disa herë “drithërima” në portën e Strakoshës.
Në shtesë, gjatë zhvillimit të një goditje këndi, vetëm traversa ndali Gjimshitin.
Në fillimin e pjesës së dytë, ekipi i Sylvinhos shtoi presionin dhe gjeti golin me Asllanin, i cili shfrytëzoi në maksimum një asist të Uzunit nga krahët.
Me këtë fitore, Shqipëria shkon në Play Off pasi një ndeshje nga fundi renditet në vendin e dytë me 14 pikë, 4 më shumë se Serbia.
Para ndeshjes:
