Blero Muharremi reagon pas lajmit të ndarjes nga jeta të Shpat Kasapit: Të shpallet ditë zie në nder të tij

Pas lajmit të hidhur për ndarjen e papritur nga jeta të këngëtarit Shpati Kasapi, artisti Blero ka bërë një reagim prekës dhe plot emocione, duke nderuar figurën dhe kontributin e tij të madh në muzikën shqiptare. Në postim, Blero thekson se Shpati ishte një prej artisteve më të shquar të fillimviteve 2000, një zë i veçantë dhe një figurë që la gjurmë të pashlyeshme në skenën muzikore shqiptare.

Ai kujton se gjenerata të tëra të rinjsh janë rritur me këngët e tij dhe janë frymëzuar nga arti i tij, duke e vlerësuar me nostalgji dhe respekt kontributin që ka dhënë ndër vite.

Duke shprehur tronditjen e madhe që ka sjellë ndarja e tij e parakohshme, Blero shprehet se do të ishte njerëzore që dita e nesërme të shpallet ditë zie, në nderim të jetës dhe veprës së artistit.

Në reagimin e tij, Blero nënvizon se tronditja për humbjen e parakohshme është e madhe, dhe se duke marrë parasysh ndikimin dhe kontributin e tij shumëvjeçar, do të ishte njerëzore që dita e nesërme të shpallej ditë zie në nderim të jetës dhe veprës së Shpat Kasapit.

Sipas tij, një veprim i tillë do të ishte akt respekti për figurën e artistit dhe një mesazh solidariteti për familjen, kolegët dhe gjithë ata që e kanë dashur dhe e vlerësuar.