E pabesueshme, me meniskun e dëmtuar, Neymar zbret në fushë dhe shënon (VIDEO)

Duhet të ishte në infermieri, duke u kujdesuar për gjurin e tij të dëmtuar, por ndryshe nga se pritej, Neymar jo vetëm që nuk qëndroi në “bokse”, por zbriti në fushë si titullar ndaj Sport Recife për t’i dhënë një dorë ekipit të tij Santos që po lufton për mbijetesë.

Me meniskun e dëmtuar, Neymar befasoi të gjithë tifozët, ku në minutën e 25-të me një veprim të bukur brenda në zonë kaloi Santos në avantazh, një gol që u festua gjatë nga Neymar dhe tifozët. Ylli brazilian ishte protagonist edhe në golin e tretë për Santos duke dhuruar një asist.

Fal këtij trepikësh, Santos merr pak frymë duke u renditur provizorisht në vendin e 15-të, por “zona e kuqe” është vetëm 2 pikë larg. Pak ditë më parë, mediat braziliane ngritën alarmin duke zbuluar se Neymar rrezikonte sezonin, madje edhe prezencën e tij në Botërorin FIFA2026, por braziliani nuk ka ndërmend të dorëzohet, do të bëjë gjithçka për të shpëtuar Santos.

()