Lim Hoti do të bëhet pjesë e “BBVK”?

Ish-konkurrenti i “Fermës”, Lim Hoti, duket se po përgatitet të futet në shtëpinë më të famshme të Kosovës, duke sjellë dinamika të forta dhe situata të paparashikueshme. Lajmi u përhap pas raportimeve të gazetarit Andi Vrapi, i cili njoftoi se hyrja e tij pritet të ndodhë të premten.

Vetë Lim duket se ka “ndezur” dyshimet e publikut, duke ndjekur episodet e spektaklit si mesazh i koduar dhe duke u parë këto ditë duke shijuar jetën e natës në Prishtinë, një përgatitje e mundshme para izolimit brenda shtëpisë.

Por ajo që e bën Limin një nga futësit më intriguese në këtë fazë të lojës janë lidhjet e tij të mëparshme. Ai është përfolur gjerësisht në media për histori të shkuara me dy nga vajzat që ndodhen aktualisht brenda Big Brother VIP Kosova: Albën, me të cilën ka ndarë lojën dhe shtratin në “Fermë”, dhe Bian. Kjo situatë mund të krijojë një trekëndësh të tensionuar dhe tërheqës për publikun.

Pritet që reagimet e banorëve të jenë të menjëhershme, ndërsa publikimi i hyrjes së tij do të ndryshojë ekuilibrin e lojës dhe do të rrisë intrigën brenda shtëpisë.

Mbetet për t’u parë se si do të evoluojë loja dhe marrëdhëniet e brendshme nga dita e premte, ndërsa sytë e publikut mbeten të fokusuar te përballja trekëndëshe që mund të shndërrohet në momentin kulminant të sezonit.