Rob Reiner zbulon filmin që do të donte të mbahej mend, vetëm tre muaj para vdekjes
Vetëm tre muaj para vdekjes së tij tragjike, regjisori dhe aktori i njohur Rob Reiner zbuloi se cilin film e konsideronte si vepër të jetës së tij. Reiner dhe gruaja e tij, Michele Singer Reiner, u gjetën të vdekur të dielën në rezidencën e tyre në Los Angeles, ndërsa policia dyshon se djali i tyre mund të jetë përfshirë në vrasjen e dyfishtë.
Sipas mediave ndërkombëtare, përfshirë Unilad, Reiner kishte folur pak javë më parë në një intervistë me emisionin “Pa Censur” të Piers Morgan, ku iu bë pyetja e ndjeshme për trashëgiminë e tij artistike. Morgan e pyeti: “Nëse vjen një kohë kur duhet të kujtojmë punën tënde, për cilën nga të gjitha filmat e tu do të doje më shumë të të kujtonin?”
Reiner, fitues i nëntë çmimeve Golden Globe, fillimisht bëri shaka, duke thënë se të gjithë fëmijët janë të dashur, madje edhe ata “të këqijtë”. Megjithatë, më pas ai sqaroi përgjigjen e tij serioze, duke zgjedhur filmin “Qëndro pranë meje” (Stand by Me) si vepër që ka pasur më shumë kuptim për të. Ai e përshkroi këtë projekt si atë që përfaqësonte më shumë pasionin dhe mesazhin që donte të lënte pas te publiku.
Intervista e fundit e Reiner u bë virale për emocionin dhe sinqeritetin e tij, duke treguar përkushtimin e regjisorit ndaj artit dhe mënyrën se si ai e vlerësonte krijimtarinë e tij mbi çdo sukses tjetër. Trashëgimia e tij artistike mbetet një nga pjesët më të dashura të historisë së filmit amerikan.
