Çfarë ndodhi? Fjolla Morina shpërthen në lot!
Një moment tejet prekës është transmetuar së fundmi në shtëpinë e Big Brother VIP Kosova, ku këngëtarja e njohur Fjolla Morina ka shpërthyer në lot, duke hapur zemrën përballë kamerave dhe publikut të gjerë.
E përfshirë nga emocione të forta, Fjolla foli hapur për sfidat që po përjeton gjatë qëndrimit në këtë format, duke theksuar vendosmërinë e saj për t’i përballuar të gjitha vështirësitë e vetme, pa u mbështetur te askush. Ajo u shpreh se forca e saj ka qenë gjithmonë arma më e madhe në jetë dhe se beson fuqishëm se drejtësia triumfon në fund.
“Krejt kam me i kalu, me krejt forcat e mia, veç vetë, pa kërkon hiç, sepse gjithmonë kam qenë e fortë dhe e di që e drejta fiton në fund”, u shpreh Fjolla mes lotësh, duke prekur jo vetëm banorët, por edhe publikun jashtë shtëpisë.
Ajo vazhdoi me një mesazh motivues, që duket se përfaqëson filozofinë e saj jetësore: “Mbaje në mend çfarë po të them, heq por fiton. Kurrë nuk e heq këtë prej mendjes”.
Ky moment emocional u përjetua me shumë ndjeshmëri edhe nga banorët e tjerë të shtëpisë, të cilët i qëndruan pranë Fjollës, ndërsa në rrjetet sociale reagimet nuk munguan. Fansat dhe ndjekësit e kanë përkrahur për sinqeritetin, guximin dhe forcën që po tregon.
Me këtë rrëfim, Fjolla Morina ka nxjerrë në pah anën e saj më njerëzore dhe të ndjeshme, duke dëshmuar se pas imazhit të fortë që shfaqet shpesh, fshihet një grua që lufton, ndjen dhe nuk dorëzohet, edhe nën vëzhgimin e pandërprerë të kamerave.
