“Shkruajtëm historinë, vit i suksesshëm”, Uzuni: Polonia nuk është as Gjermania as Franca, preferenca ime në finale të Play Off është…

Nga Play Off, te ëndrra Botëror. Sulmuesi i Kombëtares, Myrto Uzuni i thotë gjitha, në një intervistë të dhënë për FSHF. Ai ka besim se gjithçka do të shkojë mirë dhe theksoi se ekipi i Sylvinhos ka potencialin për të bërë gjëra të mëdha.

PLAY OFF- Ka qenë një vit i suksesshëm dhe një punë e madhe e stafit e lojtarëve. Grupi është i bashkuar dhe kanë treguar rezultatet e golat e pësuar. Kemi marrë fitore të vështira dhe shumë të bukura. Ajo me Serbinë ka qenë më e vështira dhe më e bukura. Luanim për Shqipërinë dhe kishim kombin me vete. Shkruam historinë dhe kemi bërë shumë mirë.

POLONIA- Jam i kënaqur me veten pasi më është dhënë mundësia dhe e kam shfrytëzuar mirë. Të gjithë kanë bërë punë të mirë dhe të gjithë kemi merita. Jemi grup shumë i mirë dhe i bashkuar. Mbaj mend që në Poloni kemi bërë shumë mirë. Shanset janë sepse nuk po luajmë me Gjermaninë apo Francën. Me Poloninë kemi shanse të barabarta dhe natyrisht kush të gabojë më pak, do të ketë shansin të fitojnë.

FINALJA- Të them të drejtën, do të preferoja Ukrainën. Është ëndërr për të gjithë sidomos për mua që jetoj atje. Do të ishte arritja më e madhe për mua. Shanset janë para sepse mundësitë janë gjithmonë në futboll dhe duhet ti shfrytëzojmë.

AMERIKA- Stadiumi i Austin nuk është shumë i madh, është i mbledhur si stadium dhe i bukur për të luajtur. Do të ishte e bukur që të vinin tifozë të Austin për të mbështetur Shqipërinë. Kërkoj shumë nga vetja dhe jam ende i uritur për të shënuar gola dhe për suksese dhe mendoj se këtë vit kam mundësi për më mirë, jam i kënaqur por kam më shumë mundësi. Kam një kontratë 3+1 me Austin dhe nuk e di të ardhmen por për momentin jam i fokusuar 100% te klubi.