“Do isha shoqe me të”/ Elijona i përgjigjet Benitës: Nuk besoj

Spektakli i mbrëmjes se sotme i Big Brother VIP Kosova solli sërish momente diskutimi dhe dinamika që tërhoqën vëmendjen e publikut. Një nga momentet që u komentua më shumë gjatë Prime-it ishte klipi nga darka e të nominuarve, ku Benita u përball me një pyetje direkte: a do të ishte shoqe me Elijonën jashtë shtëpisë?

Benita u shpreh pozitive, duke thënë se e vlerëson Elijonën dhe se mendon që një miqësi mes tyre do të ishte e mundur edhe jashtë formatit.

Pas transmetimit të klipit, radha i erdhi Elijonës të jepte qëndrimin e saj. Ajo foli hapur, duke vlerësuar Benitën si person, por duke theksuar se nuk e sheh raportin e tyre si një miqësi të ardhshme jashtë shtëpisë.

“Benita është vajzë e mirë, nuk ia hedh poshtë të mirat, por nuk mendoj që do të jemi shoqe jashtë. Kemi jetë të ndryshme. Shoqe është fjalë e madhe,” u shpreh ajo.

Deklarata e Elijonës ndezi reagime në studio dhe në rrjet, duke treguar se marrëdhënia mes dy banoreve, megjithë respektin reciprok, mbetet më shumë në nivel njohjeje sesa miqësie të ngushtë.

Kujtojme se vajzat kane pasur prej kohesh perplasje mes tyre ne program, duke hedhur akuza te renda mes tyre.