U zgjodh finalist, Ludo shpërthen në lot: S’di qysh me jua kthy

Spektakli i radhës i Big Brother VIP Kosova 4 solli një nga momentet më të rëndësishme të këtij edicioni: shpalljen e finalistit të parë. Pas votimit të publikut, emri që siguroi vendin në finale ishte ai i Ludos, duke e bërë atë banorin e parë që prek zyrtarisht fazën finale të garës.

Njoftimi u prit me emocione të forta si brenda shtëpisë, ashtu edhe nga publiku që ndjek formatin. Ludo nuk arriti t’i mbajë lotët e gëzimit në momentin kur mësoi rezultatin, duke treguar sa shumë do të thotë për të kjo arritje.

I prekur nga mbështetja e publikut, ai falënderoi votuesit me fjalë të sinqerta:
“Ju falënderoj nga zemra, jam shumë i prektë. S’di qysh me jau kthy, ju falënderoj nga zemra,” u shpreh Ludo mes emocionesh.

Ky moment shënon një kthesë të rëndësishme në rrugëtimin e tij brenda shtëpisë më të famshme në Kosovë. Mbështetja e publikut konfirmon pëlqyeshmërinë që ai ka krijuar gjatë lojës, ndërsa pritet të shihet se si ky status finalist do të ndikojë në dinamikat mes banorëve në javët në vijim.

Me garën që po hyn në fazat më vendimtare, shpallja e finalistit të parë rrit tensionin dhe pritshmëritë për surprizat që pritet të sjellë ky sezon i Big Brother VIP Kosova.