Dëmtimi i Mbappe, Real Madrid përditëson situatën

Real Madrid ka bërë një njoftim në kanalet zyrtare, ku shkruan se Mbappe është dërguar në Francë për të kryer teste të tjera të cilat do të tregojnë më shumë rreth dëmtimit të sulmuesit francez.

“Pas testeve të kryera nga specialistë francezë, nën mbikëqyrjen e Shërbimeve Mjekësore të Real Madridit, është konfirmuar diagnoza e një shtrembërimi në gjurin e majtë të Mbappe. Po ndiqet trajtim konservativ dhe progresi i tij do të monitorohet vazhdimisht”.

Për këtë temë ka folur edhe trajneri i Los Blancos, Arbeloa.

“Do ta shikojmë ditë për ditë; tani për tani është më mirë të mos japim afate. Kur francezi të jetë gati në 100%, ai do të kthehet në fushë. Nuk ka ndërmend të nxitohet kthimi i tij. Ne duam që Mbappe të shërohet plotësisht”-tha ai.