UEFA dënon Real Madrid, mbyllet një pjesë e “Bernabeu-t”, shkak bëhet…racizmi

UEFA njoftoi mbylljen e një pjese të stadiumit për një ndeshje dhe një gjobë për Real Madridin për shkak të “sjelljes raciste nga tifozët e tij” gjatë ndeshjes kundër Benfikës. Mbyllja, e cila prek skajin jugor të tribunës, është pezulluar, që do të thotë se do të zbatohet vetëm në rast të një shkeljeje të përsëritur. Kjo është procedurë standarde në sanksionet e UEFA-s.

Deklarata thotë si më poshtë: “Real Madrid C.F. gjobitet me 15,000 € dhe urdhërohet të mbyllë pjesërisht stadiumin Real Madrid C.F. (domethënë, 500 vende ngjitur në tribunën e poshtme jugore) për ndeshjen e ardhshme (1) të garës së klubeve të UEFA-s në të cilën Real Madrid C.F. luan si ekip vendas, për shkak të sjelljes raciste dhe/ose diskriminuese të tifozëve të saj.”

Megjithëse më vonë UEFA sqaron se nuk do të zbatohet kundër Sitit, por vetëm nëse ky lloj sjelljeje përsëritet në garat e tyre: “Mbyllja e stadiumit të lartpërmendur është pezulluar për një periudhë prove prej një (1) viti, nga data e këtij vendimi.”