Avantazhi i liderit, Rogerti dërgon dy banorë në televotim kokë më kokë

Java në Big Brother VIP Albania 5 ka nisur me zhvillime të forta dhe vendime që pritet të ndikojnë drejtpërdrejt në fatin e banorëve. Rogerti është zgjedhur lider i shtëpisë, një rol që i ka dhënë atij avantazhe të rëndësishme, veçanërisht në lidhje me nominimet.

Pak ditë më parë, në kuadër të një sfide rezistence, ai vendosi të ndajë banorët në disa dyshe, duke testuar jo vetëm qëndrueshmërinë fizike, por edhe bashkëpunimin mes tyre. Por vendimi më i rëndësishëm erdhi mbrëmjen e kaluar, kur Rogerti duhej të zgjidhte një nga këto dyshe për ta dërguar në televotim për të martën.

Pa hezitim, ai vendosi që në nominim “kokë më kokë” të shkonin Stenaldo dhe Mateo. Tashmë, publiku do të vendosë se cili prej tyre do të largohet nga shtëpia në spektaklin e radhës, duke e bërë këtë një përballje të fortë dhe mjaft të komentuar nga ndjekësit.

Ndërkohë, për ata që nuk e ndoqën spektaklin, një tjetër largim i rëndësishëm ndodhi në shtëpi. Artani është banori që u eliminua nga gara, pasi ndodhej në nominim së bashku me Nikol, Selin dhe Stenaldon. Në fund të zinxhirit të shpëtimit mbetën disa prej tyre, ndërsa në nominim të përhershëm vijon të jetë edhe Rogerti.

Momenti i eliminimit të Artanit ishte i ftohtë dhe pa shumë emocione të dukshme nga ana e tij. Menjëherë pasi iu lexua emri, ai zgjodhi të largohej nga shtëpia pa takuar apo përshëndetur asnjë prej banorëve, duke lënë pas një atmosferë të tensionuar dhe plot pikëpyetje.