“Shkonim shumë bashkë”, Soni flet hapur për marrëdhënien me ish-bashkëshortin

Soni Malaj ka ndarë një rrëfim të sinqertë dhe emocional për të kaluarën e saj, duke folur hapur për marrëdhënien me ish-bashkëshortin gjatë një bisede të veçantë me Malborën.

Mes toneve nostalgjike, artistja kujtoi periudhën kur ata ishin bashkë, duke theksuar afërsinë dhe harmoninë që kishin ndërtuar si çift. “Shkonim shumë bashkë,” u shpreh ajo, duke lënë të kuptohet se lidhja e tyre ka qenë e fortë dhe e mbushur me momente të bukura.

Ka qenë balerin dhe aktor. Kemi bërë “Dancing with the stars”. Mbyteshim duke u zënë por shkonim shumë! Ne kemi një raport shumë të mirë për shkak të vajzës. Madje njëherë kemi shkuar tek një estetiste këtu në Shqipëri dhe ajo na tha: “Me ju pa ju nuk dukeni të ndarë”.-u shpreh ajo. 

Megjithëse rrugët e tyre janë ndarë prej kohësh, Soni la të kuptohet se kujtimet e asaj periudhe vazhdojnë të kenë një vend të rëndësishëm në jetën e saj. Ajo theksoi se përvojat e së kaluarës kanë ndikuar në mënyrën si e sheh sot jetën dhe marrëdhëniet, duke reflektuar një pjekuri emocionale dhe qasje më të vetëdijshme ndaj lidhjeve njerëzore.

Në rrëfimin e saj nuk mungoi as respekti për ish-partnerin, duke treguar se, pavarësisht ndarjes, mes tyre ka ekzistuar një lidhje e veçantë që nuk zbehet lehtë.