Finale “thriller” në Skoci, Celtics mban gjallë shpresat, sfida direkte ndaj Hearts vendos titullin

Gara për titullin kampion në Skoci do të vendoset vetëm në javën e fundit pas një mbrëmje dramatike. Kryesuesit e Hearts fituan 3-0 ndaj Falkir në sfidën e vlefshme për javën e 37 dhe ishin shumë pranë zyrtarizimit si kampion, por rivali i tyre Celtic triumfoi 3-2 në transfertë ndaj Motherwell. falë një penalltie shumë të diskutueshme në minutat shtesë, të realizuar nga Iheanacho, duke frenuar festën për një titull historik të Hearts. Në krahun tjetër tifozët e Celtic ishin në delir, duke “uzurpuar” madje edhe fushën pas suksesit.

Tani gjithçka do të vendoset në përballjen direkte të fundjavës në Glasgow: Hearts-it i mjafton barazimi për titullin e parë pas 66 vitesh, ndërsa Celtic kërkon fitoren për të përmbysur gjithçka në ndeshjen finale të sezonit.