Kaos në rrjet: ARMY nuk përmbahet pas lajmit për BTS

Grupi fenomen i K-pop-it, BTS, ka pushtuar rrjetin menjëherë pasi u bë e ditur se do të jenë ndër artistët kryesorë në spektaklin e pushimit të FIFA këtë vit. Në të njëjtën skenë do të ngjiten edhe dy ikona botërore të muzikës, Shakira dhe Madonna.

Programi është kuruar nga Chris Martin, vokalisti i Coldplay, ndërsa njoftimi u bë në mënyrë krejt të veçantë në Instagram përmes një videoje gazmore ku shfaqej personazhi i njohur Elmo.

Në video, Martin kërkon ndihmën e Elmos për të kontaktuar grupin korean, duke bërë shaka se ai i ka në “telefon të shpejtë”, dhe i rezervon për performancën e madhe në finalen e Kupës së Botës, që do të mbahet më 19 korrik.

Edhe pse në njoftim u përmendën emra të mëdhenj si Shakira dhe Madonna, reagimi më i fortë erdhi nga fansat e BTS, të njohur si “ARMY”. Brenda pak minutash, rrjetet sociale u mbushën me komente entuziaste dhe plot emocione.

“NUK DO TA PËRBALLOJMË KËTË!” – shkroi një fans, ndërsa një tjetër shtoi: “SHIKIMET DO TË THYEJNË ÇDO REKORD PËR SHKAK TË BTS.”

Të tjerë i quajtën “Mbretërit e K-pop-it në skenën e FIFA-s” dhe theksuan ndikimin e tyre global me komente si “BTS hapën rrugën!”.

Sigurisht, nuk munguan as reagimet me humor. Disa fansa ndanë video të BTS duke u përpjekur të luajnë futboll, duke shkruar me ironi se “janë më mirë në skenë sesa në fushë”. Të tjerë shkuan edhe më tej me batuta, duke thënë se edhe legjenda si Lionel Messi dhe Cristiano Ronaldo “do të dridhen përballë tyre”.

Me një kombinim të muzikës, humorit dhe yjeve globalë, spektakli i këtij viti pritet të jetë një nga më të ndjekurit në historinë e FIFA-s.