Çmenduri në Lushnje! Djali vret nënën me sqepar, babai në gjendje kritike

Një ngjarje e rëndë ka tronditur Lushnjën, ku një
person dyshohet se ka vrarë nënën e tij dhe ka plagosur rëndë të atin.

Sipas të dhënave paraprake, autori dyshohet se ka përdorur sende të forta gjatë sulmit, duke i shkaktuar plagë të rënda prindërve të tij. Nëna nuk ka mundur t’u mbijetojë plagëve të marra dhe ka humbur jetën, ndërsa babai është plagosur rëndë dhe është dërguar për ndihmë mjekësore.

Menjëherë pas ngjarjes, autori është larguar nga vendi i krimit. Policia ka nisur kërkimet për lokalizimin dhe kapjen e tij, ndërsa grupi hetimor po punon për të dokumentuar të gjitha rrethanat e ngjarjes.

Ende nuk dihen detaje të plota lidhur me motivin që ka çuar në këtë akt të rëndë brenda familjes. Autoritetet po vijojnë hetimet për të përcaktuar dinamikën e saktë të ngjarjes dhe rrethanat që paraprinë konfliktin.

Ngjarja ka shkaktuar tronditje në zonë, ndërsa pritet që policia të japë më shumë informacion zyrtar në vijim.