Mungesa e golit, Sylvinho: Jam i qetë, të shfrytëzojmë karakteristikat e lojtarëve

Mungesa e finalizimit ka qenë ndër vite një nga problemet kryesore të Shqipërisë. Për këtë temë ka dhënë mendimin e tij së fundmi trajneri Sylvinho, një ditë para sfidës ndaj Andorrës.

“Mungesa e golit- Unë nuk jam i shqetësuar për lojtarët tanë. Të gjithë kanë ardhur në gjendje të mirë, janë dy ditë pune, por kanë punuar mirë dhe si e thashë, ne duhet të shfrytëzojmë karakteristikat e lojtarëve.

Nuk dua të them emra, se janë 3-4-5 lojtarë që janë mësuar të shënojnë. Janë njerëz që në vitet e fundit me ne janë ata që kanë shënuar më shumë. Jam i qetë për lojtarët dhe jam i qartë kush mund të futet në fushë dhe të shënojë”.