Bundesliga/ Bayern Munich “shtyp” Leipzig dhe vijon dominimin, Dortmund fitore në “frymën e fundit”

Bayern Munchen i dha një goditje të fortë konkurrentëve të tij në Bundesligë, duke mposhtur Leipzig 5-1 në një përmbysje spektakolare që thekson edhe një herë forcën e skuadrës bavareze. Pas një fillimi të vështirë, kur Romulo Cardoso i dha avantazhin Leipzig në minutën e 19-të, Bayern reagoi fuqishëm në pjesën e dytë. Serge Gnabry barazoi shpejt, dhe më pas arritën goli pas goli nga Harry Kane, Jonathan Tah, Aleksandar Pavlovic dhe Michael Olise, duke kompletuar një “manita” që i siguroi Bayern-it një fitore të fuqishme dhe një diferencë prej 11 pikësh nga Borussia Dortmund, që mban vendin e dytë. Ky triumf i bën bavarezët e drejtuar nga Kompany të duket të pathyeshëm dhe të qartë favoritë për titullin.

Në një tjetër ndeshje interesante, Borussia Dortmund mundi 3-2 St.Paulin në një përballje të tensionuar. Verdhezinjtë filluan mirë, duke gjetur avantazhin e dyfishtë me golat e Brandt dhe Adeyemi. Por St.Pauli nuk u dorëzua dhe barazoi rezultatin me dy gola brenda një periudhe të shkurtër. Në momentet e fundit të ndeshjes, kur gjithçka dukej se do të mbyllej në barazim, Dortmund fitoi një penallti në shtesë, që Emre Can e shndërroi në gol, duke i dhënë tri pikët ekipit të tij. Me këtë fitore, Borussia Dortmund mbetet në vendin e dytë me 39 pikë, por diferenca prej 11 pikësh nga Bayern-i duket  një malore e vështirë për t’u ngjitur.