Selin fituese e “BBV5”, G Bani: Do kujtohet si e panjohura 23 vjeçare që qëndroi në krevatin e atij tjetrit, burrë i martuar
Fituesja e “Big Brother VIP Albania 5”, Selin Bollati, është kthyer në qendër të diskutimeve pas deklaratave të forta të ish-banorit G Bani, i cili ka komentuar publikisht rezultatin e finales dhe mënyrën si u zhvillua loja gjatë këtij edicioni.
Në një reagim të gjatë dhe mjaft kritik, G Bani ka hedhur dyshime mbi mënyrën e zhvillimit të spektaklit, duke lënë të kuptohet se çmimi mund të ketë qenë i paracaktuar dhe se, sipas tij, “asgjë nuk ndodh rastësisht kur dirigjohet nga të fortët dhe të pasurit”.
Ai ka pretenduar gjithashtu se produksioni ka ndjekur një linjë të caktuar narrativash për të krijuar një figurë fituese të re, të përshtatshme për audiencën e re dhe për tregun mediatik. Sipas tij, përzgjedhja e një fitueseje të re në moshë 23-vjeçare lidhet me ndikimin tek publiku rinor dhe identifikimin emocional të shikuesve.
Në deklaratën e tij, G Bani është ndalur edhe te dinamika brenda shtëpisë, duke përmendur disa situata dhe debate që sipas tij kanë ndikuar në perceptimin e publikut. Ai ka kritikuar gjithashtu mënyrën se si janë trajtuar disa banorë dhe debatet brenda programit, duke i cilësuar si pjesë të një skenari të ndërtuar.
Një nga pikat më të diskutueshme të reagimit të tij lidhet me momentet brenda shtëpisë që, sipas tij, kanë krijuar narrativë të caktuar rreth disa banorëve dhe marrëdhënieve mes tyre.
Komenti juaj?
