E frikshme! Gjimnastja 19-vjeçare bie me kokë nga trau i ekuilibrit. Ja momenti dramatik

Një incident i rëndë ka tronditur finalen e gjimnastikës ekipore të meshkujve në Lojërat e Komonuelthit në Glasgow, pasi gjimnasti anglez Gabriel Langton u dëmtua gjatë një prove në shufrat e pabarabarta.

Atleti 19-vjeçar po kryente një ushtrim të vështirë kur humbi ekuilibrin dhe ra nga një lartësi e konsiderueshme, duke u përplasur me kokë mbi dyshekun mbrojtës.

Menjëherë pas rrëzimit, ekipet mjekësore ndërhynë në pistë për t’i dhënë ndihmën e parë. Për disa minuta pati shqetësim të madh, pasi Langton qëndroi i palëvizur pas goditjes.

🚨NEWS: English gymnast Gabriel Langton has been rushed to hospital after suffering a major fall during the Commonwealth Games pic.twitter.com/bXsMusO5fF

— Basil the Great (@BasilTheGreat) July 25, 2026

Megjithatë, pak më vonë, gjimnasti arriti të lëvizte gjymtyrët, duke sjellë lehtësim te stafi, sportistët dhe publiku i pranishëm. Ai u transportua më pas me barelë në spital, ku po i nënshtrohet ekzaminimeve të specializuara mjekësore.

Federata Angleze e Gjimnastikës falënderoi ekipet mjekësore për reagimin e shpejtë dhe bëri të ditur se do të publikojë një përditësim mbi gjendjen e Langtonit pas përfundimit të kontrolleve mjekësore.

Langton ishte përfshirë në ekipin e Anglisë në momentin e fundit, pasi zëvendësoi kampionin gjashtë herë olimpik Max Whitlock, i cili u tërhoq nga gara për shkak të një dëmtimi.

Incidenti la në hije finalen ekipore, ndërsa vëmendja u përqendrua te gjendja shëndetësore e gjimnastit të ri.