Ariana Grande publikon albumin e plotë live “Petal” në iTunes

Këngëtarja Ariana Grande ka publikuar “Petal (The Complete Live Album)”, vetëm një javë pasi përfundoi turneun e saj “Eternal Sunshine”, ka shkruar FemaleFirst.

Albumi, i disponueshëm vetëm në platformën iTunes, përmban 12 këngët e albumit “Petal”, si dhe një version live të këngës “Hate That I Made You Love Me”, të incizuar gjatë një prove të turneut.

Grande e mbylli turneun më 1 shtator në O2 Arena në Londër, ku nuk i mbajti dot lotët gjatë koncertit të fundit para një pushimi të planifikuar nga karriera.

“Faleminderit nga thellësia e zemrës… Do ta ruaj gjithmonë në kujtesë këtë përvojë dhe kam fansat më të mirë në të gjithë botën”, u ka thënë ajo fansave mes emocioneve.