Ngjarja tragjike në Spanjë, Owono tërhiqet nga ndeshjet e Guinesë Ekuatoriale
Pas ngjarjes së rëndë që tronditi futbollin spanjoll, portieri Jesús Lázaro Owono ka marrë vendimin të mos jetë pjesë e grumbullimit të Guinesë Ekuatoriale për ndeshjet e radhës.
Gardiani u përfshi në një përplasje me sulmuesin Jesús de Miguel gjatë takimit mes Andorrës dhe Tenerifes në Divizionin e Dytë. Sulmuesi humbi jetën të nesërmen, si pasojë e një arresti kardiak.
Ngjarja duket se ka ndikuar thellë te Owono, i cili i ka kërkuar federatës së vendit të tij të mos e thërrasë për angazhimet e ardhshme ndërkombëtare.
Kështu, Owono nuk do të jetë në dispozicion për përballjet ndaj Zimbabvesë, të vlefshme për kualifikueset e Kupës së Kombeve të Afrikës 2027.
