Fri, Nov 20, 2026

Talent në muzikë, djali i ‘Fenomenit’ do të performojë para finales së Kupës Interkontinentale

Talent në muzikë, djali i ‘Fenomenit’ do të performojë para finales së Kupës Interkontinentale
  • PublishedNovember 20, 2026


Finalja e Kupës Interkontinentale të futsallit mes Sportingut dhe Palma-s do të ketë edhe një element të veçantë argëtimi. Para nisjes së ndeshjes vendimtare, në skenë do të ngjitet DJ Ronald, djali i legjendës braziliane të futbollit Ronaldo Fenomeno.

Ronald do të performojë në “Arena Cláudio Petrycoski”, në Pato Branco të Brazilit, duke prezantuar muzikën elektronike që ka shoqëruar aktivitetet e tij në klube dhe festivale të ndryshme në mbarë botën. Organizatorët kanë paralajmëruar gjithashtu një tjetër performancë surprizë për tifozët gjatë pushimit mes dy pjesëve.

Në aspektin sportiv, Sporting dhe Palma do të përballen për trofeun ndërkombëtar në një finale që do të jetë përsëritja e ndeshjes së fundit për titullin e Ligës së Kampionëve. Skuadra portugeze siguroi vendin në finale pas fitores ndaj Pato-s, ndërsa Palma vjen si kampione në fuqi e Kupës Interkontinentale.

Ronald ka ndërtuar një karrierë si DJ, producent muzikor dhe sipërmarrës në industrinë e muzikës elektronike dhe projekteve digjitale. Ai ishte gjithashtu protagonist gjatë Botërorit 2026 në Shtetet e Bashkuara, ku drejtoi “Casa Ronaldo”, një hapësirë e dedikuar për tifozët me transmetime ndeshjesh, video-lojëra, aktivitete sportive dhe koncerte. Gjatë këtij aktiviteti, ai performonte çdo javë si DJ rezident, së bashku me artistë të tjerë brazilianë.