VIDEO/ Goli i radhës në kampionat, Muçolli nuk përmbahet te Goteborgu
Ecuri fantastik për futbollistin e Kombëtares shqiptare, Arbnor Muçolli, i cili është shndërruar në një idhull te Goteborgu. I transferuar në merkaton e verës nga skuadra e Vejles, 24-vjeçari ka arritur të shënojë 5 gola në 10 sfida, ndërkohë që ka regjistruar edhe 2 asiste.
Muçolli, shënoi golin e fitores në duelin e sotëm ndaj Bromapojkarnas, teksa në minutën e 62-të, dërgoi në rrjetë një 11-metërsh, duke i siguruar 3 pikë të arta skuadrës së Goteborgut, që në 5 ndeshjet e fundit ka regjistruar 4 fitore dhe një barazim.
Straffspark till IFK Göteborg efter den här situationen! pic.twitter.com/5pUZqZFQpw
— discovery+ sport 🇸🇪 (@dplus_sportSE) September 16, 2023
Transferimi i futbollistit shqiptar, ka dhënë fryte të jashtëzakonshme, duke bërë që skuadra legjendare suedeze, të lerë pas momentet e vështira. PanoramaSport
