Makina përplaset me mbrojtëset metalike, humb jetën 37-vjeçari

Një aksident me pasojë vdekjen e një personi është regjistruar këtë të shtunë në mbrëmje në aksin rrugor Kuçovë-Belsh.

Mësohet se automjeti që drejtohej nga një 22-vjeçar është përplasur me mbrojtësen metalike të rrugës. Nga përplasja, ka ndërruar jetë një 37-vjeçar, pasagjer në këtë automjet.

Drejtuesi i automjetit, pasi kreu ekzaminimet në spital ku rezultoi pa probleme, u shoqërua në ambientet e Policisë për veprime të mëtejshme.

Gjithashtu, kreu ekzaminimet edhe pasagjeri tjetër 14-vjeç dhe u largua për në banesë pa probleme.

Dyshohet se shkaku i përplasjes me mbrojtësen metalike është humbja e kontrollit mbi drejtimin e automjetit nga drejtuesi i automjetit.