Defekt në motor, avioni Tiranë-Bolonjë detyrohet të ulet urgjentisht në Bari
Një avion i linjës Tiranë-Bolonjë, ka bërë ulje emergjente në Bari për shkak të një defekti në motor.
Avioni ka pësuar defekt ndërsa ishte në fluturim në njëmbëdhjetë mijë metra mbi detin Adriatik, në lartësinë e Gargano.
Avioni që u nis nga Tirana në orën 12, ka bërë ulje emergjente rreth orës 13:12 në Bari. Avioni u ul në Bari me vetëm një motor të ndezur. Por fatmirësisht nga problemi nuk ka pasur asnjë pasagjer të lënduar.
Manovrat emergjente në aeroportin e Barit shkaktuan vonesa për avionët e tjerë në nisje dhe mbërritje.
