Kokaina me vlerë 2.2 mln euro në Mal të Zi, korrieri hyri nga Shqipëria, destinacion Franca
Mësohet se 18 pakot me kokainë që u zbuluan më 16 nëntor në Mal të Zi fillimisht kanë qenë brenda territorit të Shqipërisë, ndryshe nga sa është raportuar e anasjellta në fillim.
Makina tip “BMW” e Arvid Halilit nga Shkodra, i arrestuar nga policia e Malit të Zi, ka mundur të kaloj në pikën kufitare të Muriqanit.
Destinacioni i tij final ishte Parisi dhe vlera në tregun atje do të shkonte në rreth 2.2 milionë euro për lëndën narkotike.
Dyshimet e hetuesve janë se kjo sasi kokainë ka mbërritur në vendin tonë përmes portit të Vlorës ose Durrësit, me origjinë nga vendet e Amerikës Latine.
Arvid Halili rezulton korrier i një prej klaneve shqiptar të transportimit të drogës, por nuk përjashtohet mundësia që këtë herë të ketë qenë i vetëm, edhe pse para hetuesve malazez nuk ka dhënë detaje.
Emri/ Kush është shqiptari që u kap me kokainë në “BMW” në Mal të Zi?
