Izraeli vret një nga komandantët më të lartë të Hamasit

Hamasi njoftoi sot se njëri prej komandantëve të tij më të lartë është vrarë në luftë me Izraelin.

 Njoftimi për vdekjen e Mahmed al-Ghandour,erdhi pa treguar se kur dhe ku u vra ai.

Al-Ghandour ishte anëtar i lartë i grupit të armatosur dhe komandanti kryesor i Hamasit në veri të Rripit të Gazës. Ai u kishte mbijetuar së paku tri tentimeve të Izraelit për ta vrarë atë prej vitit 2002.

Ndërkohë, armëpushimi i brishtë katër-ditor mes Hamasit dhe Izraelit vazhdoi në ditën e tretë të tij të dielën, pasi grupi radikal i liroi edhe 17 pengje të shtunën vonë, në këmbim të 39 të burgosurve palestinezë.

Këmbimi i pengjeve me të burgosurit u krye në orët e vona të së shtunës, pas vonesave disa orëshe, për shkak se Hamasi e akuzoi Izraelin e se kishte shkelur marrëveshjen e armëpushimit.