Dikur mbronte shpërndarësit e drogës në gjyq, historia e avokatit që u kthye në përdorues dhe ra në burg
Në podcast-in e radhës “Fol me Anila Hoxhën që transmetohet të shtunën e fundit të çdo muaji në Top Albania Radio, tema e diskutimit ishte përdorimi i drogës.
Kjo plagë të shoqërisë që ka kthyer në përdorues të rritur dhe fëmijë, që ka prodhuar fenomene të tjera pasi policia raporton arrestimin e përdoruesve si autorë ngjarjesh kryesisht dhunë dhe vjedhje, e nga ana tjetër vërehet se trajtimi i tyre në qeli mbetet i vështirë.
Droga nuk zgjedh. Mund të përfshijë në kthetrat e veta edhe njeriun më të pasur, njeriun më të edukuar, ashtu edhe ai që është i pastrehë. E pazakontë është rasti i një avokati i sjellë në emisionin “Fol me Anila Hoxhën”.
Ai mbronte të arrestuarit, mes tyre edhe shpërndarës droge, por askush nuk e ka të qartë se si përfundoi në burg si përdorues droge.
“Ne trajtuam historinë e një avokati i cili nga një avokat dhe mbrojtës i të dyshuarve dhe të akuzuarve ai, sot gjendet i paraburgosur në një burg në Shqipëri. Pikërisht këtij degradimit dhe të këtij robërimi nga varësia e drogës”-tha gazetarja Anila Hoxha.
600 persona u arrestuan së fundmi si shpërndarës droge në të gjithë vendin e megjithatë ky është vetëm njëri aspekt. Nuk disponohen të dhëna se sa është numri i përdoruesve qoftë dhe përafërsisht.
AlbaniaWeb.net
