Juventus programon të ardhmen, Tonali e Ndoye dëshirat e “Zonjës së Vjetër”
Juventusi ka zgjedhur prioritetet e saj për dritaren e ardhshme transferimeve: i para është emri i Sandro Tonalit, i dyta ai I sulmuesit të krahut të Bolognës Dan Ndoye. Mesfushori italian i Newcastle është objektivi kryesor i Cristiano Giuntolit për të forcuar skuadrën bardhezi, sidomos për t’i dhënë më shumë energji një linje mesfushoreje që ka nevojë për përforcime cilësore. Ndërkohë, zvicerani mund të zëvendësojë Francisco Concieicaon, i cili është gjithnjë e më pranë rikthimit në Porto.
Sulmi për Tonalin është studiuar tashmë në detaje. Para se të mund të lëvizin konkretisht, Juventus duhet të sigurojë kualifikimin matematik për në Ligën e Kampionëve, pasi të ardhurat e garantuara nga kjo kompeticion do të mundësojnë një ofertë shumë të fortë për Newcastle, e cila do të përfshijë një shumë të konsiderueshme parash. Kjo sepse mesfushori, nëse do të kalonte, nuk do të lihej të largohej me çmim të ulët: anglezët e morën atë nga Milani për 60 milionë euro vetëm dy sezone më parë dhe e pritën gjatë periudhës së pezullimit për rastin e basteve.
Megjithatë, mesfusha nuk është i vetmi repart që do të forcohet. Edhe në sulm priten lëvizje të mëdha: përveç se do të shihet se si do të zhvillohet çështja e Vlahoviç (i cili është më pranë largimit se qëndrimit), Giuntoli po kërkon lojtarë për të forcuar krahët e sulmit. Emri i parë në listë është ai i Dan Ndoye. Zvicerani këtë sezon, përveç driblimeve dhe “shpejtësive” tipike të lojës së tij, ka treguar se ka shtuar në arsenalin e tij edhe golat. 8 gola dhe 4 asistime në këtë Serie A nën drejtimin e Vincenzo Italiano. Për këtë arsye, duket se edhe Milani ka filluar të interesohen për zviceranin. “Djalli” po vendosin themelet e projektit të ri të drejtuar nga duo Tare-Furlani dhe Ndoye do të ishte një nga emrat më të vlerësuar nga rossonerët: nuk është rastësi që kandidati kryesor për pankinën është pikërisht Vincenzo Italiano, i cili ka arritur të nxjerrë më të mirën nga lojtari i klasit 2000.
