Brooklyn dhe Nicola munguan në festë për shkak të një të ftuare të veçantë

Brooklyn Beckham dhe bashkëshortja e tij, Nicola Peltz, munguan në festën madhështore për ditëlindjen e 50-të të David Beckham që u mbajt në Londër më 3 maj. Sipas burimeve për People, çifti nuk dëshironin të ishin në të njëjtën dhomë me vëllain më të vogël të Brooklyn-it, Romeo Beckham, dhe të dashurën e tij, DJ Kim Turnbull.

Burimet thonë se tensionet mes Brooklyn-it, Nicolas dhe familjes Beckham janë të pranishme, megjithëse jo të paqëndrueshme. Ata shtojnë se familja është e lënduar që Brooklyn nuk është më i përfshirë në jetën familjare.

Një tjetër burim pohoi se arsyeja e mungesës ishte fakti që DJ Kim Turnbull – e dashura aktuale e Romeos – ka pasur më parë një lidhje të mundshme me Brooklyn-in, gjë që e bën këtë të fundit të ndihet në siklet në praninë e saj. Thuhet se David Beckham zgjodhi ta ftonte Kim-in në vend të Nicolas.

Megjithatë, vëllai më i vogël i Brooklyn-it, Cruz Beckham, komentoi në një postim në Instagram duke thënë se “Brooklyn dhe Kim nuk kanë qenë kurrë në një lidhje.”

Burime pranë familjes shtojnë se Brooklyn dhe Nicola kishin udhëtuar nga SHBA për në Londër me qëllim të merrnin pjesë në festime, apo të paktën të takonin Davidin për një darkë private. Ata qëndruan për gjashtë ditë duke tentuar ta takonin, por mendohet se u lanë jashtë.

Nga ana tjetër, një burim tjetër pranë familjes Beckham thekson se pati disa evente ku Kim nuk ishte e pranishme, përfshirë dhe një festë familjare ku Brooklyn dhe Nicola mund të kishin marrë pjesë.

Asnjë nga përfaqësuesit e Davidit, Victorias, Brooklyn-it apo Nicolas nuk ka komentuar mbi këtë çështje.