Ukraina mohon akuzat e Rusisë për shtyrje të shkëmbimit të të burgosurve! Zyrtari: Moska po luan lojëra të pista!

Ukraina ka mohuar pretendimet ruse se ka shtyrë për një kohë të pacaktuar shkëmbimet e të burgosurve, duke akuzuar Moskën se “luan lojëra të pista” pasi sulmet ruse me raketa dhe bomba në Kharkiv vranë tre persona dhe plagosën 22 të tjerë.

Në një deklaratë, zyrtarët rusë thanë se dy persona u plagosën në një sulm me dron në rajonin e Moskës.

Në një raund të dytë bisedimesh për paqe në Stamboll të hënën, të dyja palët ranë dakord të shkëmbejnë më shumë të burgosur dhe të kthejnë trupat e 12,000 ushtarëve.

Megjithatë, këshilltari i Kremlinit, Vladimir Medinsky, tha sot se Ukraina i kishte shtyrë papritur shkëmbimet për një kohë të pacaktuar.

Kjo u mohua nga Andriy Kovalenko, një zyrtar në Këshillin Kombëtar të Sigurisë dhe Mbrojtjes të Ukrainës, i cili tha se Moska duhet të ndalojë “të luajë lojëra të pista” dhe të kthehet në punë konstruktive.

“Deklarat e sotme nga pala ruse nuk korrespondojnë me realitetin ose marrëveshjet e mëparshme as për shkëmbimin e të burgosurve dhe as për riatdhesimin e trupave”, tha ai në aplikacionin Telegram.