Sot provimi i fundit i Maturës Shtetërore, 27 mijë nxënës testohen në Lëndët me Zgjedhje

Mbi 27 mijë maturantë do t’i nënshtrohen kësaj të marte provimit të fundit të maturës shtetërore, atij të Lëndës me Zgjedhje.

Lëndët e përfshira në këtë provim janë të ndara në disa fusha: Kimi, Fizikë, Biologji, Histori, Gjeografi, Qytetari dhe Psikologji, Filozofi, Sociologji, Ekonomi, e të tjera.

Nxënësit duhet të paraqiten në ambientet e shkollës në orën 08:30 ndërsa provimi nis në 10:00 dhe përfundon në 12:30.

Këtë vit Ministria e Arsimit dhe Sportit ka vendosur që të ketë edhe teste të personalizuara për maturantët që janë me aftësi të kufizuara.