C.Ronaldo i qëndron besnik Al Nasrr, por ka një kusht

C.Ronaldo do të qëndrojë në Arabinë Saudite, të paktën edhe për një tjetër vit. Legjenda portugeze, i cili në shkurt do të festojë 40 vjetorin e tij, do të mbajë të veshur fanellën e Al Nassr deri më 30 qershor 2026, por palët mund të gjejnë një akord në terma më afatgjatë, deri në fund të 2027, por për këtë CR7 ka një kusht fiks, kërkon një ekip cilësor, i aftë të konkurrojë për trofe.

Al Nassr pritet të përfshihet në një revolucion pasi nga Arabia Saudite u largua Stefano Pioli. Pas largimit të tij, drejtuesit e klubit kanë nisur punën për të projektuar sezonin e ri, ku gjithçka sërish do të rrotullohet rreth C.Ronaldo-s, do të jetë qendra e projektit.

Pas zërave të shumtë që e shihnin larg Arabisë Saudite, mbi të gjitha pasi ekipi i tij nuk arriti të kualifikohej për në Botërorin e Klubeve, Ronaldo është bindur të qëndrojë. U përfol për një kalim të tij në MLS, por me sa duket CR7 ka zgjedhur t’i qëndrojë besnik klubit saudit.

()