Çifti i njohur divorcohen pas shtatë vitesh martesë

Denise Richards dhe Aaron Pipers po i japin fund lidhjes së tyre pas shtatë vitesh martesë. Sipas dokumenteve gjyqësore të siguruara nga revista People, Pipers paraqiti kërkesë për divorc të hënën, më 7 korrik, duke përmendur 4 korrikun si datën e ndarjes dhe një “dallim të papajtueshëm”.

Sipas peticionit, Pipers kërkon mbështetje bashkëshortore nga aktorja 54-vjeçare dhe dëshiron që pasuritë dhe borxhet e tyre të mbeten të ndara. Ndër gjërat që ai kërkon të mbajë janë mjetet e tij të biznesit, një motoçikletë dhe një makinë sportive. Çifti nuk ka fëmijë.

Richards ka zbuluar më parë se Pipers ishte në proces të birësimit të vajzës së saj të birësuar, Eloise, e cila tani është 14 vjeç. Megjithatë, nuk është sqaruar nëse birësimi është përfunduar ndonjëherë zyrtarisht.

Ata u takuan në qershor të vitit 2017, kur Richards vizitoi qendrën e trajtimit të Pipers në Malibu. Ata e mbajtën fejesën e tyre të fshehtë dhe u martuan në një ceremoni të minutës së fundit në Malibu më 8 shtator 2018.