Zyrtarizohet marrëveshja, Enis Bardhi nënshkruan me ekipin e ri
Enis Bardhi nuk do të jetë më pjesë e skuadrës së Bodrumsporit, por do të vazhdojë të luajë në Superligën e Turqisë. Mesfushori me tipare sulmuese është transferuar te skuadra e Koniaspor.
Shqiptari i cili është pjesë e përfaqësueses së Maqedonisë së Veriut, me Koniasporin ka nënshkruar kontratë dyvjeçare.
“E mirëpresim Enis Bardhin dhe i urojmë suksese me fanellën tonë. Bardhi do të veshë fanellën me numrin 10 në ekipin tonë”, ka shkruar Koniaspori në faqen zyrtare.
30-vjeçari Bardhi pjesë e Bodrumsporit ishte për gjashtë muaj. Në Turqi më herët ka luajtur edhe për Trabzonsporin. Karrierë ka bërë edhe te Levante dhe Ujpesti.
Hoş geldin Enis Bardhi! ✍️
👉 https://t.co/n3E1CmgDiE pic.twitter.com/hoAaiBM4HC— TÜMOSAN Konyaspor (@konyaspor) July 12, 2025
