Valë dorëheqjesh në Qarkun Dibër: 35 administratorë dhe braktisin postin pas urdhrit të Ramës

Një “furtunë” dorëheqjesh ka përfshirë këtë të martë katër bashkitë e Qarkut Dibër – Dibër, Bulqizë, Mat dhe Klos – pas urdhrit të prerë të kryeministrit Edi Rama për largimin nga detyra të të gjithë administratorëve që kanë më shumë se 3 vite në post.

Në total, 35 administratorë të njësive administrative kanë dorëzuar dorëheqjet:

Dibër: 15 administratorë

Bulqizë: 8 administratorë

Mat: 8 administratorë

Klos: 4 administratorë

Një ditë më parë, kryebashkiakët zhvilluan takime me administratorët, ku u komunikuan qartë direktivat nga qeveria qendrore: dorëheqje për të shmangur shkarkimet formale dhe pasojat financiare që mund të pasojnë nga procese gjyqësore të mundshme.

Edhe zv.kryetarët janë larguar:

Dibër: 2 dorëheqje

Bulqizë: 2 dorëheqje

Mat: 1 dorëheqje

Klos: 1 dorëheqje

Dorëheqjet janë pjesë e një ristrukturimi të thellë të administratës vendore, të nisur pas deklaratave të Ramës, i cili kërkoi “rifreskim të plotë të strukturave drejtuese në bashki”, duke premtuar përzgjedhje të reja “mbi bazë performance dhe jo miqësish politike”.

Drejtuesit e drejtorive në këto bashki pritet të ndjekin të njëjtin fat, ndërsa procesi i “pastrimit” po shtrihet me ritme të shpejta në gjithë vendin.