Denise Richards merr urdhër mbrojtjeje ndaj bashkëshortit: Më ka goditur dhe më ka zënë për fyti

Aktorja Denise Richards ka siguruar një urdhër ndalimi ndaj bashkëshortit të saj, Aaron Phypers, pas akuzave tronditëse për dhunë fizike dhe kërcënime serioze. Ylli i “Wild Things” ka deklaruar në gjykatë se është përballur me agresion të përsëritur, përfshirë goditje në fytyrë dhe përplasjen e kokës në mur.

Në dëshminë e saj, Richards tregon edhe një incident ku bashkëshorti e ka qëlluar në sy dhe e ka fyer rëndë, ndërsa në një tjetër rast, thotë se ai e ka rrëzuar në tokë pasi nuk pranoi ta merrte me vete në një udhëtim.

Gjykata i ka kërkuar Phypers të qëndrojë larg aktores dhe pronës së saj. Ai i ka mohuar akuzat, duke i cilësuar si “të pavërteta dhe të trilluara”.