VIDEO/ Makina përfshihet nga flakët në Korçë, dyshime për zjarrvënie të qëllimshme

Një automjet tip Benz është shkrumbuar nga flakët në orët e para të mëngjesit të sotëm në qytetin e Korçës, rreth orës 02:00.

Sipas burimeve paraprake, mjeti është djegur tërësisht nga brenda, ndërsa flakët kanë prekur lehtësisht edhe një automjet tjetër që ndodhej pranë tij.

Policia po heton në dy pista:

– Zjarrvënie e qëllimshme,

– ose shkaqe aksidentale, si defekt teknik apo mbingrohje.

Zjarri është neutralizuar nga shërbimi zjarrfikës, ndërsa grupi hetimor po punon për të zbardhur rrethanat e plota të ngjarjes dhe për të përcaktuar origjinën e flakëve. Dëmet materiale janë të konsiderueshme, por fatmirësisht nuk raportohet për persona të lënduar.