Jessica Alba në një kapitull të ri dashurie? Aktorja kapet mat me yllin e “Top Gun: Maverick”

Jessica Alba është fotografuar në momente intime me aktorin e “Top Gun: Maverick”, Danny Ramirez, jashtë shtëpisë së tij në Los Angeles. Dyshja u panë duke u përqafuar dhe puthur, vetëm pak ditë pas një darke italiane që ngjalli dyshime për një lidhje të re.

Jessica, 44 vjeç, dhe Danny, 31, u shfaqën të veshur sportiv, ndërsa më vonë aktori mori një buqetë lulesh, e ajo doli nga një dyqan kristalesh. Sipas burimeve për DailyMail, lidhja që nisi rastësisht po bëhet më serioze, edhe pse Jessica po e merr me qetësi, pas ndarjes nga bashkëshorti Cash Warren në janar.

Ata janë parë për herë të parë në Cancun, por ende nuk dihet si u njohën. Miqtë thonë se Danny është i dashuruar, ndërsa Jessica “po shijon momentin”.