Wed, Apr 30, 2025

“Rama-Veliaj herë shkëmbejnë shantazhe e here deklarata dashurie”, Vasili: Tirana vazhdon masakrohet pa mëshirë

  • PublishedAugust 13, 2023

Nënkryetari i Partisë së Lirisë, Petrit Vasili ka akuzuar kryeministrin Edi Rama dhe kryebashkiakun e Tiranës se kanë betonizuar kryeqytetin në 10 vite pushtet.

Në një postim në Facebook, Vasili shkruan se flirti i rremë Veliaj-Rama, është një valle hajdutësh, që po shqyen Tiranën, teksa shton se firmat e tyre ne aferën e inceneratorëve janë si vula e krimit, që nuk do te amnistohet kurrë.

Postimi i plotë:

Flirti i rremë Veliaj-Rama, një valle hajdutesh, qe po shqyen Tiranen!

Nje valle hajdutesh po hedhin Rama e Veliaj me postime e intervista, qe here i shkruajne vete e here me seksere mediatike,ku urrejta dhe dashuria fake e tyre po nxjerr ne shesh te verteten se kush jane keta te dy.

Qytetaret jane te neveritur kur shohin keta dy llaxore politike mafioze, qe shkembejne here shantazhe e kercenime direkte e indirekte dhe here deklarime dashurie te peshtira e te shkruara nga halli i dy hajduteve te zene me presh ne dore.

Tirana eshte e vjedhur dhe helmuar me beton duke u perçudnuar ne krejt ekzistencen e saj per shkak te dy pale duarve te mallkuara tte Rames dhe Veliajt.

Qe nga viti 2000 e deri per gati 20 vjet Tirana vazhdon te masakrohet pa meshire nga binomi i te keqes Rama Veliaj, qe e kane drejtuar Bashkine e ku per fatin e zi te saj edhe qeverine prej 10 vjet.

Kjo dyshe vjedh perdite me aferen mafioze te plehrave duke rrembyer dhjetra milion euro cdo dite dhe keta dy valltaret kryesore te valles se hajduteve, jane ende te pandeshkuar.

Te dy bashke gatuan edhe nje tjeter krim betonizimi ne zemer te Tiranes me kullen 58 kate mbi dhe’ e gjashte nen dhe’ dhe cdo pergjegjesi bie vetem mbi keta dy dhe askend tjeter se keta kane firmosur me ndegjegje te plote.

Qytetaret e Tiranes ne vend te gjelberimit po i helmojne me mijra tonelata te tjera beton te cilen e kane firmosur keta dy valltaret e valles se hajduteve, duke bere qendren e Tiranes nje monster betoni tanime edhe me nje kulle 58 kateshe qe si xhebrail do tu qendroje mbi koke dhe si deshmi vdekjes se qytetit.

Per qytetaret keta te dy jane qartesisht dy mafioze ne krye te te qeverise dhe bashkise, qe kane grabitur dhe grabisin qindra miliona me inceneratoret.

Per kete ata do te pergjigjen pa asnje diskutim sepse per fat te mire dokumentet dhe provat qe provojne krimin e vjedhjes se qindra milion euro jane edhe ne duart e opinionit publik ndaj  kjo ceshtje nuk do mbyllet kurre derisa ata te shkojne perpara drejtesise.

Firmat e tyre ne aferen e inceneratoreve jane aty si vula e krimit, qe nuk do te amnistohet kurre.

Edhe perbindshat prej betoni si deshmi te hemimit te Tiranes, te pastrimit te parave dhe te kriminalizimit te pushtetit jane aty.

Lodhje e kote kjo vallja e hajduteve me deklarata dashurie fake mes te dyve.

Dihet fundi i çdo dashurie mes hajdutesh….!

()

AlbaniaWeb.net